Neskatoak dokumentala

Sobrarbeko (Huesca, Espainia) “Espiello” etnografia-dokumentaleko zinemaldirako hautatu dute Jon Abrilen Neskatoak

Jaialdira aurkeztutako ia 400 lanen artetik aukeratutako 23en artean dago beratarraren lana

Huescako (Espainia) Sobrarbe eskualdean egiten den “Espiello” etnografia-dokumentaleko zinemaldirako hautatu dute Jon Abril beratarren Neskatoak dokumentala. Jaialdira mundu osoko ia 400 lan aurkeztu dira, eta Abrilen lana aukeratutako 23en artean dago.

“Espiello” (ispilua, aragoieraz) etnografia-dokumentalean espezializatutako zinemaldia da, eta aurten XV. aldia izanen du. Martxoaren 24tik apirilaren 1era eginen da Aragoiko Pirinioan dagoen Boltaña herrian, Sobrarbe eskualdean. Neskatoak lana martxoaren 28an emanen da, 22:00etan, herriko Kongresu-aretoan.

Abrilen lana sari nagusietan lehiatuko da, eta baita Pirinioetako sortzaileen arteko lanik onenera ere.

 

dvd_azala

DVDa salgai:

BERA: Agara prentsa, Igone paper-denda, Irene prentsa
LESAKA: Xagu paper-denda.
IRUÑEA: Karrikiri-denda, Katakrak
DONOSTIA: Garoa liburundena eta Kaxilda liburudenda